ހއ. އިހަވަންދޫ ސިއްޚި މަރުކަޒުގައި ޑައިލިސިސް ޚިދުމަތް ފަށައިފި

ހއ. އިހަވަންދޫ ސިއްޚި މަރުކަޒު( އާމިނާދިޔޯ) ގައި ޑައިލިސިސް ޚިދުމަތް ފަށައިފިއެވެ.

ހއ. އިހަވަންދޫގައި މިކަމަށްޓަކައި ބޭއްވި ރަސްމިއްޔާތެއްގައި ޑައިލިސިސް ޚިދުމަތް ފައްޓަވައިދެއްވީ ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދުއެވެ.

މި ރަސްމިއްޔާތުގައި މިނިސްޓަރ އަބުދުﷲ ނާޡިމް އިބްރާހިމް ދެއްކެވި ވާހަކަފުޅުގައި މިބަލީގެ ސަބަބުން ފަރުވާ ހޯދަން ޖެހޭ މީހުންގެ އަދަދު އިތުރުވަމުން އަންނަކަން ވަނީ ފާހަގަކުރައްވާފައެވެ. އެހެންކަމުން ޚިދުމަތްހޯދާ ފަރާތްތަކަށް ވީހާވެސް ގާތުން ލުއިފަސޭހަގޮތެއްގައި ޚިދުމަތް ފޯރުކޮށްދިނުމަކީ ސަރުކާރުގެ އަމާޒެއްކަމަށް ވިދާޅުވިއެވެ.

" މިޚިދުމަތް ފެށުމާއެކު، މިހާރު ރަށުން ބޭރަށް ގޮސްގެން މި ޚިދުމަތް ހޯދަމުންދާ ފަރާތްތަކަށް ލުއިފަސޭހަވެގެންދާނެ. އަދި ޢާއިލާތަކުން ކުރަންޖެހޭ ޚަރަދުތައްވެސް ކުޑަވެގެންދާނެ. މިނިސްޓަރ ވިދާޅުވިއެވެ.

މީގެ އިތުރުން އާމިނާދިޔޯ ސިއްޙީ މަރުކަޒުގައި ޑައިލިސިސް ޚިދުމަތް ފެށުމުގެ މަސައްކަތްތަކުގައި އެހީތެރިވެ ދެއްވި ފަރާތްތަކަށް މިނިސްޓަރ ވަނީ ޝުކުރުއަދާކުރައްވާފައެވެ.

އާމިނާދިޔޯ ސިއްޙީ މަރުކަޒުގައި މި ޚިދުމަތް ފެށުމަށް 3 ޑައިލިސިސް މެޝިން ވަނީ ބެހެއްޓިފައެވެ. އަދި ޚިދުމަތް ފެށުމަށްޓަކައި އެކަމަށް ބޭނުންވާ މުވައްޒަފުން ވަނީ ތަމްރީން ކުރެވިފައެވެ.

ހއ. އިހަވަންދޫއިން 4 ބަލި މީހުން މި ޚިދުމަތް ހޯދަމުންދެއެވެ. އަދި އިތުރު 2 ބަލިމީހުން ހދ. ކުޅުދުއްފުށީގައި ދިރިއުޅެމުން